کێسکین بایندر: نێچیرڤان بارزانی پشتگیرییەکی گەورەی پرۆسەی ئاشتی دەکات لە تورکیا

ئاڤا نیوز

 

شاندی ئیمرالی لەگەڵ نێچیرڤان بارزانی، سەرۆکی هەرێمی کوردستان کۆبوونەوە و دوا بەدوای ئەوە ڕایانگەیاند، پەیامی پرۆسەی ئاشتیمان گەیاندە سەرۆکی هەرێمی کوردستان. 

 

وێنە گەورەکە: بۆ گەیاندنی پەیامی عەبدوڵڵا ئۆجەلان بە سەرۆک بارزانی و نێچیرڤان بارزانی، دوو ڕۆژە شاندێکی دەم پارتی لە هەولێرن، دوێنی لەگەڵ سەرۆک بارزانی و ئەمڕۆش لەگەڵ نێچیرڤان بارزانی، سەرۆکی هەرێمی کوردستان کۆبوونەوە و پرسی پڕۆسەی ئاشتیان لە تورکیا تاوتوێ کرد.
 
لێدوانی فەرمی: کێسکین بایندر، هاوسەرۆکی (دەبەپە)لە کۆنگرەیەکی ڕۆژنامەوانیدا ڕایگەیاند: پەیامی پرۆسەی ئاشتیمان گەیاندە نێچیرڤان بارزانی، سەرۆکی هەرێمی کوردستان، هەڵوێستەکانی لە دیدارەکەدا نەتەوەیی بوون، هاوکات پشتگیرییەکانی نێچیرڤان بارزانی، پشتگیرییەکی گەورە لە پرۆسەی ئاشتی لە تورکیا دەکات.

-هەڵوێستی هەموو لایەنەکان بۆ بەرەپێشچوونی پرۆسەی ئاشتییە.
-هەڵوێستی لایەنەکان پشگیرییەکی گەورەیە بۆ پرۆسەی ئاشتی لە تورکیا.

 

لەلایەکی دیکەوە: دوای کۆبوونەوەیان لەگەڵ نێچیرڤان بارزانی، سەرۆکی هەرێمی کوردستان، بڕیارە شاندەکەی دەم پارتی لە باڵەخانەی پارێزگای هەولێر، کۆنگرەیەکی ڕۆژنامەوانی بکەن.