هەرێمی كوردستان و ئێران جەخت لە برەودان بە پەیوەندییە ئابوورییەكان دەكەنەوە

ئاڤا نیوز

سەرۆكوەزیران بارزانی جەخت لە برەودان بە پەیوەندییە دووقۆڵییەكانی هەرێمی كوردستان و ئێران لەبواری ئابووری و ئاڵوگۆڕی بازرگانی دەكاتەوە.

 

وێنە گەورەكە: ئەمڕۆ دووشەممە 17-2-2025، سەرۆكوەزیران مەسرور بارزانی، پێشوازی لە مەجید تەخت ڕەوانچی، جێگری وەزیری دەرەوەی كۆماری ئیسلامی ئێران بۆ كاروباری سیاسی كرد و دیدارێكیان ئەنجامدا.

 

ڕاگەیێنراوی فەرمی: بەگوێرەی ڕاگەیێنراوی حكومەتی هەرێمی كوردستان، لەم دیدارەدا، دوایین گۆڕانكاری و پێشهاتەكانی عێراق وناوچەكە و پەرەپێدانی پەیوەندییەکانی هەرێمی کوردستان و کۆماری ئیسلاميی ئێران تاوتوێ کرا.

 

زانیاریی زیاتر: لەم دیدارە، جەخت لە برەودان بە پەیوەندیی دوولایەنە، بە تایبەتی لە بواری ئابووری و ئاڵۆگۆڕی بازرگانی لەسەر بنەمای بەرژوەنديی هاوبەش کرایەوە.

 

باكگراوند: هەرێمی کوردستان و کۆماری ئیسلامیی ئێران، نزیکەی 650 کیلۆمەتر سنووری هاوبەشیان هەیە. حەوت دەروازەی سنووریی لەنێوانیان هەیە و قەبارەی بازرگانییەکەی بە ترانزێتەوە؛ بە نزیكەی هەشت ملیار دۆلار لە ساڵێکدا، مەزەندە دەكرێت.