نێچيرڤان بارزانى بۆ شاندی ئیمرالی: هیواخوازم پەکەکە ستراتیژیانە لە دەرفەتەکە بڕوانێت

ئاڤا نیوز

 

نێچیرڤان بارزانی، سەرۆکی هەرێمی کوردستان لەگەڵ شاندی ئیمرالی کۆبوویەوە و تیشکی خستە سەر ئەوەی دەبێت هه‌مووان كار بۆ سه‌رخستنى پرۆسه‌كه‌ و برايه‌تيى كورد و تورک بكه‌ن.

 

چیرۆکی سەرەکی: نێچيرڤان بارزانى، سه‌رۆكى هه‌رێمى كوردستان، پێشوازی له‌ شاندى ئيمرالى كرد كه‌ بۆ ڕاگۆڕينه‌وه‌ و گفتوگۆ ده‌رباره‌ى هه‌وڵه‌كانى پرۆسه‌ى ئاشتى له‌ توركيا، له‌ هه‌رێمى كوردستانن.

 

ڕاگەیێنراوی فەرمی: بەپێی ڕاگەیێنراوی سەرۆکایەتیی هەرێمی کوردستان، نێچيرڤان بارزانى، هه‌موو هاوكارى و پشتگيرييه‌كى بۆ سه‌ركه‌وتنى پرۆسه‌ى ئاشتى له‌ توركيا دووپات كرده‌وه‌، هاوکات پرۆسه‌كه‌ى به‌ ده‌رفه‌تێكى گرنگ و مێژوويى له‌ قه‌ڵه‌م دا كه‌ پێويسته‌ هه‌مووان كار بۆ سه‌رخستنى پرۆسه‌كه‌ و برايه‌تيى كورد و تورك بكه‌ن، چونكه‌ ئاشتى بۆ هه‌مووان له‌ توركيا و ناوچه‌كه‌ پێويسته‌.

 

پەیامی فەرمی: نێچیرڤان بارزانی، سەرۆکی هەرێمی کوردستان بە شاندەکەی ڕاگەیاندووە: ئێمه‌ هه‌ر له‌ سه‌ره‌تاوه‌ هه‌ميشه‌ كارمان كردووه‌ بۆ ئه‌وه‌ى پرۆسه‌ى ئاشتى بێته‌ ئاراوه‌ و كێشه‌كان ئاشتيانه‌ چاره‌سه‌ر بكرێن، چونكه‌ ئه‌زموون سه‌لماندوويه‌تى شه‌ڕ و چه‌ك هيچ كێشه‌يه‌ك چاره‌سه‌ر ناكه‌ن. هيواخوازم‌ پەکەکە ستراتيژييانه‌ له‌ پرۆسه‌كه‌ بڕوانێت و پێويسته‌ ئه‌م ده‌رفه‌ته‌ له‌ده‌ست نه‌درێت.

 

لەلایەکی دیکەوە: شاندى ئيمرالى تیشكيان خسته‌ سەر هه‌نگاوه‌كانى پرۆسه‌ی ئاشتی، هاوکات ستايش و پێزانينىان بۆ هه‌وڵه‌كانى نێچيرڤان بارزانى، سەرۆکی هەرێمی کوردستان له‌ پرۆسه‌ى پێشتر و ئێستاى ئاشتيدا ده‌ربڕى، داوایان كرد له‌سه‌ر هاوكارى و پشتگيريى خۆى بۆ سه‌رخستنى پرۆسه‌كه‌ به‌رده‌وام بێت.