دوو کۆمپانیای فڕۆکەوانیی جیهانی گەشتەکانیان بۆ لوبنان ڕادەگرن

 

ئاڤا نیوز

هەردوو کۆمپانیای "ئێر فرانس" و "فڕۆکەوانیی ئیمارات" گەشتەکانیان لە ڕۆژی 23ـی ئەم مانگە ڕادەگرن کە هاوکاتە لەگەڵ بەخاکسپاردنی هەردوو ئەمینداری پێشووی حیزبوڵڵای لوبنانی.

وێنە گەورەکە: ڕۆژی 2024-09-27، حەسەن نەسروڵڵا، ئەمینداری پێشووتر و ڕۆژی 2024-11-03، هاشم سەفیەددین، ئەمینداری پێشووی حیزبوڵڵای لوبنان، بە بۆردوومانی ئیسرائیلەوە لە بەیرووتی پایتەختی لوبنان کوژران.

زانیاریی زیاتر: بڕیارە لە ڕۆژی 2025-02-23، حیزبوڵڵای لوبنان هەردووکیان لە ڕێوڕەسمێکی فەرمی و بە بەشداریی فراوانی لایەنگرانی ئەو حیزبە، لە لوبنان بە خاک بسپێردرێن کە بەهۆی بارودۆخی ئەمنی و شەڕەوە لەگەڵ ئیسرائیل ڕێوەڕەسمەکە پێشتر ئەنجامنەدراوە.

زانیاریی بەدەستهاتوو: کۆمپانیای "فڕۆکەوانیی ئیمارات" و "ئێر فرانس"ـی فەڕەنسی لە ڕۆژی بەخاکسپاردنی هەردوو سەرکردەکەی حیزبوڵڵای لوبنانی لە ڕۆژی 23ـی ئەم مانگە تەواوی گەشتەکانیان بۆ لوبنان ڕادەگرن.