ئاڤا لە هۆکاری دەستبەکارنەبوونی ژمارەیەک پێشمەرگە لە سنووری هەڵەبجە دەکۆڵێتەوە

 

ئاڤا نیوز

ماوەیەکە بەمەبەستی دامەزراندن ژمارەیەک پێشمەرگە ناونووس کراون بۆ پاسەوانی لە بارەگاکانی پارتی، دەڕۆنە فێرگەکان و مەشق دەکەن، هەندێکیان لە سنووری هەڵەبجە تاوەکو ئێستا نەچوونەتە مەشق و لەچاوەڕوانیدان.

چیرۆکی سەرەکی: ژمارەیەک پێشمەرگە لەپێش هەڵبژاردنی خولی شەشەمی پەرلەمانی کوردستان لەسنووری لقی 12ـی پارتی ناونووسکراون بەسەر دوو بەش دابەش بوون، بەشێکیان لە فەرماندەی زێرەڤانی، بەشێکی دیکە لەسەر یەکەی 80 جێگیرکراون.

زانیاریی زیاتر: کۆی گشتیی 600 پێشمەرگەن، 300 پێشمەرگە لەسەر زێرەڤانی بەشدارییان لە خول کردووە و ئێستا مووچە وەردەگرن، ئەوانەی سەر بە یەکەی 80ـن ژمارەیان 300 پێشمەرگەیە پێنج مانگە بایۆمەتریان کردووە، هێشتا نە براونەتە مەشق نە مووچەیان بۆ بەستراوە.

لێدوانی فەرمی: بەرپرسی لقی 12ـی پارتی لە هەڵەبجە بە ئاڤا میدیای ڕاگەیاند، پەستانێکی زۆر لەسەر فێرگەکانی مەشقی سەربازی هەیە، تەنیا سنووری لقی 12 ـەش نییە و هەموو کوردستانە بۆیە وەجبە وەجبە دەبرێنە مەشق، نۆرەی ئەوانەش نزیکە و دوای چوونیان بۆ مەشق مووچەکانیان دەبەسترێت.