سەرۆک بارزانی: نابێت دەستکەوت و ئامانج و بەهاکانی ڕاپەڕین لە یاد بکرێن

ئاڤا نیوز

 

سەرۆک بارزانی لە سی و سێیەمین ساڵیادی ڕاپەڕینی گەلی کوردستان پیرۆزبایی لە خەڵکی کوردستان دەکات و جەخت دەکاتەوە کە نابێت دەستکەوت و ئامانج و بەهاکانی ڕاپەڕین لە یاد بکرێن. 

 

پەیامی پیرۆزبایی: لە پەیامەکەی سەرۆک مەسعود بارزانی هاتووە، بە بۆنەی سی و سێیەمین ساڵیادی ڕاپەڕینی گەلی كوردستان پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هەموو نیشتیمانپەروەر و تێكۆشەر و ئازادیخوازان و سەرجەم خەڵكی كوردستان دەكەم.

 

درێژەی پەیام: سەرۆک بارزانی لەبارەی ڕاپەڕینەوە دەڵێت: ڕاپەڕین درێژكراوەی خەباتی دەیان ساڵە و بەرهەمی خۆڕاگریی و ماندووبوون و خوێنی جەماوەر و هێزە خەباتگێڕەكانی كوردستان بوو و بووە دەستپێكێكی تازە و ئومێدێكی نوێ لە ژیانی گەلەكەماندا. خرۆشانی خەڵک دژی دامودەزگەی ستەمکار و داگیرکار پەیامێکی زۆر ڕوون بوو کە سەرباری بەهێزیی داگیركاران، ئیرادەی ژیانی سەربەرزانە و ئازادیخوازی هەمیشە لە ناخی مرۆڤی کوردستانیدا هه‌بووه‌ و ده‌شمێنێ.

 

جەختکردنەوە: دەستكەوتەكانی ڕاپەڕین موڵكی گەلی كوردستان و نەوەكانی داهاتوون. لە یادی ڕاپەڕینەكەی گەلی كوردستاندا جەخت لەوە دەكەینەوە كە پێویستە  دەستكەوت و ئامانج و بەهاكانی ڕاپەڕین بە بەرزی بمێننەوە و بپارێزرێن و بەهێزتر بكرێن. نابێ لە هیچ دۆخ و لەژێر هیچ گوشارێكدا لەیاد بكرێن و بشێوێنرێن.
لە پەیامەکەیدا سەرۆک بارزانی هاتووە