شەپۆلێکی بەفر و بارانبارین ڕوو لە هەرێمی کوردستان دەکات

 

ئاڤا نیوز

پێشبینی دەکرێت شەپۆلێکی بەفر و بارانبارین ڕوو لە ناوچەکانی هەرێمی کوردستان بکات.، شێخی کەشوهەوا لەمبارەیەوە دەڵێت 'کاریگەرییەکانی ئەم شەپۆلە لە پاشنیوەڕۆی ئەمڕۆوە دەستپێدەکەن'.

لێدوانی فەرمی: شێخ دارا، پێشکەشکاری کەشوهەوا لە ئاڤا میدیا، ڕایگەیاند: ڕۆژی پێنجشەممە 2025-02-20، کاریگەری شەپۆلێکی دەریای سپی ناوەڕاست بە تەواوی لە سەرتاسەری هەرێمی کوردستان نزیک دەبێتەوە، بۆیە بەفر و بارانبارین لەسەرجەم ناوچەکان دەبارێت.

زانیاری زیاتر: شێخی کەشوهەوا، دەڵێت: ڕۆژی 21ـی مانگ کاریگەری شەپۆلەکە زۆر بەهێز دەبێت و مەترسی دروستبوونی لافاو لە سەرجەم شارەکان دەبێت، هاوکات ئەگەری بەردەوامی شەپۆلەکەش تاوەکو ڕۆژی یەکشەممە و دووشەممەی هەفتەی داهاتوو هەیە.

بەوتەی شێخ دارا کاریگەری شەپۆلەکە لە پاشنیوەڕۆی ئەمڕۆ چوارشەممە دەستپێدەکات، بەتایبەت لە ناوچە شاخاوییەکانی وەک زاخۆ، دهۆک، حاجی ئۆمەران، چۆمان، چیای گارە.