کارمەندانی گرێبەستی پەرەپێدان داوای گۆڕینی گرێبەستەکانیان دەکەن

ئاڤا نیوز

ژمارەیەک کارمەندی گرێبەستی پەرەپێدان لە شاری هەولێر گردبوونەوە. ئەو کارمەندانە داوایان کرد بخرێنە سەر وەزارەتی دارایی و ئابووری.

وێنە گەورەکە: ئەمرۆ 19-02-2025، کارمەندانی گرێبەستی پەرەپێدان لەبەردەم وەزارەتی دارایی و ئابووری کوردستان خۆپیشاندانیان کرد، هۆکاری خۆپیشاندانەکەشیان ئەوەبوو کە شێوازی گرێبەستەکەیان بگۆڕدرێت لە پەرەپێدانەوە بۆ سەر وەزارەتی دارایی.

ئەوەی پێویستە بیزانیت: مووچەی ئەم کارمەندانە لە داهاتی ناوخۆ دەدرێت. بەشێک لەو کارمەندانە 13 ساڵە خزمەتیان کردووە.

لێدوانی فەرمی: سەرچاوەیەک لە وەزارەتی دارایی بۆ ئاڤا گوتی،  "نوسراو بۆ ئەو کارمەندانە دەکەین و بۆ ئەنجوومەنی وەزیران بەرزی دەکەینەوە، بۆ ئەوەی ڕەزامەندی لەسەر داواکەیان بدرێت".