کێشەی دانپێدانانی زانکۆ تایبەتەکان لە نێوان عێراق و هەرێمی کوردستان دروست دەبێت

ئاڤا نیوز

کێشەی دانپێدانانی زانکۆ تایبەتەکان لە نێوان عێراق و هەرێمی کوردستان دروست دەبێت. وەزارەتی خوێندنی باڵا و توێژینەوەی زانستیی عێراق دەڵێ، "ئەگەر هەرێمی کوردستان دان بە زانکۆ تایبەتەکانی عێراقدا نەنێت، ئێمەش دان بە بڕوانامەی زانکۆ تایبەتەکانی هەرێمی کوردستاندا نانێین".


وێنە گەورەکە: زانکۆکانی، جەعفەر سادق، قەڵەم و کیتاب و نور و حەدبا کە لە کەرکووک و موسڵ، وەزارەتی خوێندنی باڵای کوردستان دان بە بڕوانامەی ئەو زانکۆیانەدا نانێت، لە بەرامبەردا وەزارەتی خوێندنی باڵای عێراقیش دەڵێ، ئێمەش دان بە بڕوانامەی هیچ زانکۆیەکی تایبەت لە هەرێمی کوردستان نانێین.

هۆکارە زانراوەکان: هۆکاری ئەوەی وەزارەتی خوێندنی باڵای کوردستان دان بە بڕوانامەی ئەو زانکۆیانە نانێت، ئەمەیە:

یەکەم: ئەو زانكۆیانە پابەندی ئەو ڕێسا و ڕێنماییە نین کە زانکۆکانی هەرێمی كوردستان پەیڕەوی دەکەن.

دووەم: دەوامكردنی قوتابی لەو زانكۆیانە زۆر لاوازە و قوتابی بە ئارەزووی خۆی دەوام دەكات و لە وانەكان ئامادە دەبێت.

سێیەم: قوتابی لە بەشە بەرزەكانی خوێندن بە نمرەیەكی زۆر كەم لەو زانكۆیانە وەردەگیرێت.