ڕوانگەی سووری: پێنچ داعش لە کەمپی هۆل هەڵاتوون

ئاڤا نیوز

ڕوانگەی سووری بۆ مافەکانی مرۆڤ ئاشکرای دەکات، پێنج ئەندامی ڕێکخراوی داعش لە کەمپی هۆل لە شاری حەسەکە لە ڕۆژئاوای کوردستان هەڵاتوون.

چیرۆکی سەرەکی: بەگوێرەی هەردوو ئاماری ساڵی ڕابردووی ئیدارەی کەمپی هۆل و وەزارەتی کۆچ و کۆچبەرانی عێراق نزیکەی 43 هەزار چەکداری پێشوو و ژن و منداڵی ئەندامانی داعش لەو کەمپە کۆکراوەتەوە کە 15 هەزاریان عێراقین.

ڕاگەیێنراوی فەرمی: ڕوانگەی سووری بۆ مافەکانی مرۆڤ ڕایگەیاند: شەوی پێنجشەممە، پێنج کەس لە دانیشتوانی کەمپی هۆل لە باشووری حەسەکە کە خاوەنی ڕەگەزنامەی عێراق و سووریان، لە کەمپەکە هەڵاتوون.

زانیاریی زیاتر: بەهۆی مەترسی دۆخی ئەمنی، حکومەتی عێراق هەوڵی گەڕاندەوەی خێزانە عێراقییەکان لەو کەمپە دەدات، بەگوێرەی وەزارەتی کۆچ و کۆچبەرانی عێراق، 12 هەزار و 500 ژن و منداڵی چەکدارانی داعش کە بەڕەگەز عێراقین بۆ وڵات گەڕێنراونەتەوە.

لەو ژمارەیەش 9 هەزار کەسیان خراونەتە ناو بەرنامەی ڕاهێنانی دەروونی و کۆمەڵایتییەوە و تێکەڵ بە کۆمەڵگا دەکرێنەوە. هاوکات 833 خێزانی عێراقی لە کەمپی هۆل ماون ژمارەیان دەگاتە 15 هەزار کەس.