ڕێبوار تاڵەبانی: هێزی سەربازی حوکمی کەرکووک دەکات

کوردستان
22 شوبات

شەیری بکە لە:

ڕێبوار تاڵەبانی، سەرۆکی پێشووی ئەنجوومەنی پارێزگای کەرکووک

ئاڤا نیوز

جووتیارانی کورد لە سنووری کەرکووک دوایین وادە بۆ لایەنە پەیوەندیدارەکان دادەنێن و ڕێبوار تاڵەبانیش ڕایدەگەیێنێت: کەرکووک تاک لایەنانە لەلایەن حکومەتی فیدڕاڵەوە ئیدارە دەدەرێت.

وێنە گەورەکە: سوپای عێراق لە سەرگەڕان ڕێگری لە جووتیارانی کورد دەکات زەوییەکانیان بکێڵن، جووتیارانی کوردیش تا ڕۆژی سێشەممە مۆڵەتیان داوەتە لایەنە پەیوەندیدارەکان تاوەکو ڕێگەیان بدەن زەوییەکانمان بکێڵین، دەشڵێن: "دوای ئەو مۆڵەتە دەست بە کێڵانی زەوییەکانمان دەکەین، ئەگەر خوێنیش بڕژێت."

لێدوانی فەرمی: ڕێبوار تاڵەبانی، سەرۆکی پێشووی ئەنجوومەنی پارێزگای کەرکووک بە ئاڤا میدیا ڕاگەیاند: جگە لە پەیامەکانی سەرۆک بارزانی و سەرۆکوەزیران مەسرور بارزانی، کە پەیامێکی گرنگ بوو بۆ جووتیاران و گوتیان بەجێتان نایەڵین، کەمتر پەیامی دیکە دەبیستم.

-باردودۆخی کەرکووک دوای 16ی ئۆکتۆبەر بەرەو دۆخێکی نائاسایی و نادەستوورییە.

- حکومەتە یەک لەدوا یەکەکانی عێراق کۆمەڵێک بەڵێنی بە چارەسەرکردن کێشەکانی ئەو ناوچانە داوە و جێبەجێی نەکردووە.

-کورد ناتوانێت بە پۆستەکانی ئەنجوومەنی پارێزگای کەرکووک مافەکانی بەدەست بهێنێت، چونکە ئەزموونی حکومەتەکانی عێراقمان هەیە و پێشێلی دەستوور دەکرێت.

- عێراق کێشەی لەگەڵ ناسنامەی کوردستانیبوونی کەرکوو هەیە.

- هەموو ئیدارەی کەرکووک کورد بێت، هیچ دەسەڵاتیکیان نابێت، چونکە ئێستا هێزێکی سەربازی حوکمی کەرکووک دەکات و دوای 16ی ئۆکتۆبەر پێشێلی ماددەی نۆی دەستوور و ماددەی 140 کراوە.

- پارێزگاری کەرکووک دەسەڵاتی لەسەر هێزە سەربازییەکانی کەرکووک نییە، سنووری پارێزگاکە بووەتە عەسکەرتارییەت.