سروودێکی نوێ بۆ یادکردنەوەی قوربانییانی هەڵەبجە بەرهەمدەهێنرێت

ئاڤا نیوز

سرودێکی نوێ بە ناوی "هەڵەبجەی یار" بۆ یادی کیمیابارانکردنی هەڵەبجە بڵاودەکرێتەوە و پێشکەشی ڕۆحی ڕۆژنامەنووسی کۆچکردوو "وریا حەمە کەریم" دەکرێت.

وێنە گەورەکە: ئەمڕۆ شەممە 22ی شوباتی 2025 لە هۆڵی مۆنۆمێنتی شەهیدانی هەڵەبجە، ڕێکخراوی دۆستانی هەڵەبجە و بۆردی دۆکۆمێنت کردنی مێژووی هەڵەبجە، سروودێک بە ناوی "هەڵەبجەی یار" پێشکەشی ڕۆحی قوربانیان و شەهیدانی هەڵەبجە و یادی هاوڕێی کۆچکردوویان وریا حەمە کەریمی ڕۆژنامەنووس دەکەن و بڵاوی دەکەنەوە.

زانیاریی زیاتر: گۆرانی هەڵەبجەی یار، ئاوازی هونەرمەندی گەورەی کورد (ئەنوەر قەرەداغی)ـیە و هەر خۆشی بە هاوشانی هونەرمەند مەریوان سەفادین و داستان عەلی سروودەکەی گوتووە و (دیار هەڵەبجەیی) شیعری سرودەکەی نووسیوە.

لێدوانی فەرمی: کۆچەرمیرزا، خاوەن بیرۆکە و بەرهەمهێنەری سرودەکە، بەئاڤامیدیای ڕاگەیاند" تایبەتمەندیی ئەم کارە هونەرییە بەشداری کردنی کۆمەڵێک هونەرمەندە وەک کۆرس. گوتیشی (مونا نوراڵاهی) وەک عودژەن لە بەرهەمەکەدا بەشداری کردووە.