کۆڕەک تلیکۆم دڵنیایی بە بەشداربووانی دەدات

ئاڤا نیوز

کۆمپانیای کۆڕەک تلیکۆم دڵنیایی پارێزراوی سیمکارتی کۆمپانیاکەی بە بەشداربووانی دەدات، بەڕێوەبەری جێبەجێکاری کۆمپانیاکە دەڵێت: "100% هەژمارەکانی سەر سیمکارتی بەشداربووان پارێزراو دەبێت، ڕاگرتنی خزمەتگوزاریی ئینتەرنێتی کۆڕەک کوردستان ناگرێتەوە

بابەتی سەرەکی: خەڵکێکی زۆر دوای بڕیارەکەی حکومەتی عێراق لەسەر کۆمپانیای کۆڕەک تلیکۆم نیگەرانن و دڵنیاییان نییە، کە ئاخۆ هەژمارە بانکییەکانیان و هەژماری سەر تۆڕە کۆمەڵایەتییەکانیان پارێزراو دەبێت یان نا.

لێدوانی فەرمی: سیروان بارزانی، بەڕێوەبەری جێبەجێکاری کۆمپانیای کۆڕەک تلیکۆم بە ئاڤا میدیای ڕاگەیاند:

٠ بڕیارەکەی حکومەتی عێراق کاریگەری نابێت لەسەر سیمکارت و هەژمارەکانی بەشداربووانمان لە ناو هەرێمی کوردستان و ئەو ناوچانەی نزیکن لە سنووری هەرێم و سیگناڵیان پێدەگات، دڵنیایی دەدەینە بەشداربووانمان 100% هەژمارەکانیان پارێزراو دەبن.

٠ سەبارەت بە کاریگەری بڕیارەکە لەسەر بەشداربووانمان لە شارەکانی ناوەڕاست و خواروو، ئێستا لەگەڵ حکومەتی عێراق لە گفتوگۆداین و خزمەتگوزارییەکان بەردەوام دەبێت و نافەوتێت، ئەگەر هەر شتێکیش ڕووبدات ئەوا سکاڵا لەسەر حکومەتی عێراق دەکەین.

٠ بڕیاری ڕاگرتنی خزمەتگوزاریی ئینتەرنێت لەسەر هاوبەشانی هێڵی کۆڕەک لە پارێزگاکانی عێراق، پارێزگا و ئیدارە سەربەخۆکانی هەرێمی کوردستان ناگرێتەوە و لە هەرێمی کوردستان هەموو خزمەتگوزارییەکانی هێڵی کۆڕەک ئاسایین.