ڕوونکردنەوە لەبارەی ڕاگەیاندنی پشوو لە سلێمانی دەدرێت

ئاڤا نیوز

شەپۆلێکی بەرفربارین ناوچە شاخاوییەکانی هەرێمی کوردستانی گرتووەتەوە و پێشبینی دەکرێت پلەکانی گەرما بۆ ژێر دابەزن و شەختە دروستببێت و مەودای بینین کەم -ببێتەوە، پەروەردەى سلێمانى لەبارەی دەوامی قوتابخانەکانەوە بڕیاریدا.

وێنە گەورەکە: کاریگەری جەمسەری باکوور و سیبیری ناوچەکانی ڕۆژهەڵاتی ناوەڕاست و شەپۆلێکی چڕی بەفر و باران هەرێمی کوردستان گرتووەتەوە، بەفر لە سەنتەری شارەکانیش باریوە و پێشبینی دەکرێت ئەم شەپۆلە ڕۆژی یەکشەممەش بەردەوام و سەختتر بێت.

زانیاریی بەدەستهاتوو: بەڕێوەبەرى گشتیى پەروەردەى سلێمانى ڕایگەیاند، سبەى یەکشەممە لە سەرجەم ناوەندەکانى خوێندن دەوام ئاسایی دەبێت و پشوو نابێت.

لەلایەکی دیکەوە: لە پارێزگای هەڵەبجە بەهۆی بەفربارین و سەرماوە، ڕۆژی یەکشەممە لە سەرجەم ناوەندەکانی خوێندن لە سنووری ناحیەی تەوێڵە و بیارە پشووی فەرمییە. ئەم پشووە قوتابییانی  پۆلی 12 ناگرێتەوە.