لە چەندین پارێزگای عێراق بەبۆنەی بەخاکسپاردنی حەسەن نەسروڵڵا دەکرێتە پشوو

ئاڤا نیوز

ئەمڕۆ یەکشەممە 11 پارێزگای عێراق بەبۆنەی مەراسیمی بەخاکسپاردنی حەسەن نەسروڵڵا، ئەمینداری پێشووتری حیزبوڵڵای لوبنان دەکرێتە پشووی فەرمی.

 

وێنە گەورەکە: ئەمڕۆ یەکشەممە 2025-02-23، حیزبوڵڵای لوبنان هەردوو ئەمیندارەکەی لە ڕێوڕەسمێکی فەرمی و بە بەشداریی فراوانی لایەنگرانی ئەو حیزبە، لە لوبنان بە خاک دەسپێرێت کە بەهۆی بارودۆخی ئەمنی و شەڕەوە لەگەڵ ئیسرائیل ڕێوەڕەسمەکە پێشتر ئەنجامنەدراوە، دەیان بەرپرس و هەزاران هاووڵاتی عێراقیش بەشداری لە ڕێوڕەسمەکە دەکەن.

 

زانیاریی بەدەستهاتوو: لە عێراق هەر یەک لە پارێزگاکانی بەغدا، بەسرا، نەجەف، کەربەلا، بابل، واست، دیالە، دیوانیە، میسان، موسەننا و زیقار ڕۆژی یەکشەممەیان کردووەتە پشوو لە دامودەزگا فەرمییەکان، بەبۆنەی ڕێوڕەسمەکانی بەخاکسپاردنی حەسەن نەسروڵڵا، ئەمینداری گشتیی پێشووتری حیزبوڵڵای لوبنان و هیشام سەفیەددین، ئەمینداری گشتیی پێشووی ئەو حیزبە لە لوبنان.

 
زانیاریی زیاتر: بڕیارە لە بەغدای پایتەخت و چەند شوێنێکی دیکەی عێراق ڕێوڕەسمی بەخاکسپاردن بەشێوەی سیمبولی بەڕێوەبچێت.

 

باکگراوەند: ڕۆژی 2024-09-27، حەسەن نەسروڵڵا، ئەمینداری پێشووتر و ڕۆژی 2024-11-03، هاشم سەفیەددین، ئەمینداری پێشووی حیزبوڵڵای لوبنان لە هێرشێکی ئیسرائیل لە بەیرووتی پایتەختی لوبنان کوژران.