محەممەد خورشید: پێویستە شاندی یەکێتی و پارتی لە ئاستی باڵا کۆبوونەوە بکەن

ئاڤا نیوز

 

بەمەبەستی پێکهێنانی کابینەی دەیەمی حکومەتی هەرێمی کوردستان کۆبوونەوەی شاندی دانووستانکاری یەکێتی و پارتی بەردەوامە و هەوڵەکانیش بۆ ئەوەن کۆبوونەوەکان بەردەوام بن تاوەکو بە زووترین کات کابینەی نوێ پێکبهێنرێت. 

 

وێنە گەورەکە:  لە هەڵبژاردنی خولی شەشەمی پەرلەمانی کوردستان، پارتی دیموکراتی کوردستان توانی 39 کورسی بەدەستبهێنێت و یەکێتی نیشتمانی کوردستانیش 23 کورسی، دوای تێپەڕبوونی چوار مانگ بەسەر هەڵبژاردنی کوردستان، شاندی تەکنیکی هەردوو لایەن پێنج جار کۆبوونەتەوە و لە ئاستی باڵاش سێ جار. 

 

لێدوانی فەرمی: محەممەد خورشید، یاریدەدەری مەکتەبی ڕێکخستنی کەرکووک – گەرمیانی پارتی، بە ئاڤای ڕاگەیاند، دوای کۆبوونەوەی هەفتەی ڕابردوو شاندی باڵای هەردوولا، لە داهاتوویەکی نزیکدا پێویستە یەکێتی و پارتی لە ئاستی باڵاتر کۆببنەوە بۆ ڕێککەوتنی کۆتایی. 

 

-    پارتی هەموو هەنگاوێکی ناوە بۆ ئەوەی بە زووترین کات کابینەی نوێ پێکبهێنرێت.
-    پێویستە یەکێتی هەنگاوی زیاتر بێتە پێشەوە بۆ پێکهێنانی حکومەتی نوێ. 
-    لەڕووی داڕشتنی کارنامەی حکومەتی نوێ زۆرینەی پرسەکان یەکلاکراوەتەوە. 
-    تەنها ڕێککەوتن ماوە لەسەر دابەشکردنی پۆستە حکومییەکان. 

 

ئەمەش بزانە:  لەماوەی ڕابردوودا هەردوولایەنی براوەی یەکەم لەسەر 90٪ی کارنامەی کابینەی نوێ ڕێککەوتوون، تەنها چەند پرسێک لە نێوانیاندا ماوە.