مەسرور بارزانی و سەرۆکی ڕەوتی غەد باس لە پەرەسەندنەکانی سووریا دەکەن

ئاڤا نیوز

 

سەرۆکوەزیران مەسرور بارزانی، پێشوازی لە ئەحمەد جەربا، سەرۆکی ڕەوتی غەد کرد، لە کۆبوونەوەی نێوانیان تاوتوێی گۆڕانکاریی و پەرەسەندنەکانی سووریایان کردووە. 

 

ڕاگەیێنراوی فەرمی: بەگوێری ڕاگەیێنراوی حکومەتی هەرێمی کوردستان، ئەمڕۆ یەکشەممە مەسرور بارزانی، سەرۆکوەزیرانی هەرێمی کوردستان پێشوازی لە ئەحمەد ئەلجەربا، سەرۆکی ڕەوتی 'غەد'ی سووری کردووە .

 

زانیاریی زیاتر: لە کۆبوونەوەکەدا بیروڕا لەبارەی بارودۆخی گشتیی و گۆڕانکاریی و پەرەسەندنەکانی سووریا ئاڵوگۆڕ کراوە، هاوکات سەرۆکوەزیران جەختی لەسەر گرنگی پاراستنی ئارامیی و سەقامگیریی و دابینکردنی مافەکانی گەلی کورد و گشت پێکهاتەکانی ئەو وڵاتە کردووەتەوە.