سێ ساڵ بەسەر جەنگی ڕووسیا و ئۆکراینا تێپەڕ دەبێت

ئاڤا نیوز

 

جەنگی نێوان ئۆکراینا و ڕووسیا پێدەنێتە ساڵی سێیەم و هەوڵە نێودەوڵەتییەکان بۆ ڕاگەیاندنی ئاشتی و ئاگربەست تادێت زیاتر دەکرێن. 

چیڕۆکی سەرەکی: ڕۆژی 24-2-2022، ڕووسیا ئۆپەراسیۆنێکی سەربازی بۆ سەر ئۆکراینا دەستپێکرد بە ئامانجی داگیرکردنی ئەو وڵاتە، دواتر ئەو شەڕە گۆڕا بۆ گەورەترین ململانێ لە سەرانسەی ئەوروپا دوای جەنگی دووەمی جیهانی، هەزاران سەرباز لە هەردوو لا کوژراون.

 

چی ڕوودەدات: دوای دەستبەکاربوونی دۆناڵد ترەمپ، سەرۆکی ئەمریکا بڕیاری دەستپێکردنی دانووستانەکانی نێوان ڕووسیا و ئەمریکای دا بۆ ڕاگرتنی شەر و فەراهەمکردنی ئاشتی نێوان هەردوو وڵات، بەبێ بەشداریکردنی زێلێنسکی لەو دانووستانەدا ئەمەش بووە هۆی ناکۆکی  نێوان ئەمریکا و ئۆکراینا. 

 

لێدوانی فەرمی: ڤۆلۆدیمێر زێلێسنیکی، سەرۆکی ئۆکراینا ڕایگەیاند: ''ئەگەر ئۆکراینا ببێتە ئەندامی ناتۆ ئەوا ئامادەم دەستلەکاربکێشمەوە، هەموو کارێک بۆ هاتنە دی ئاشتی دەکەم''.

 

لەلایەکی دیکەوە: دۆناڵد ترەمپ، سەرۆکی ئەمریکا بەردەوام کیێڤ تۆمەتبار دەکات بەوەی دەکرا بگاتە ڕێککەوتنێک لەگەڵ ڕووسیا و تەنانەت گوتی، ڕەنگە ئۆکراینا ببێتە بەشێک لە ڕووسیا.

 

باکگراوند: سێ ساڵ بەسەر شەڕی ئۆکرینا تێپەڕدەبێت و تا ئێستا هەزاران سەربازی لە نێوان هەردوو لا کوژران و ڕووسیا هەزاران کیلۆمەتری خاکی ئۆکراینای داگیر کردووە و ملیۆنەها کەس لە ئۆکراینا ئاوارە بوون.