ژمارەی دانیشتووانی هەرێمی کوردستان چەندە؟

ئاڤا نیوز

 

دوای سێ مانگ لە ئەنجامدانی سەرژمێری، ئەمڕۆ دووشەممە 24-2-2025، ئەنجامی کۆتایی سەرژمێری گشتیی دانیشتووان ڕاگەیێنرا.

 

چیرۆکی سەرەکی: بەگوێرەی داتاکانی وەزارەتی پلاندانانی عێراق، ژمارەی دانیشتووانی عێراق و هەرێمی کوردستان لە سەرژمیریی گشتیدا 46 ملیۆن و 118 هەزار و 793 کەس بووە، لەو ژمارەیە 23 ملیۆن و 161 هەزار 604 (نێر) و 22 ملیۆن و 957 هەزار و 189 کەسیش (مێ)بوون.

 

لێدوانی فەرمی: سیروان محەممەد، بریکاری وەزارەتی پلاندانان و سەرۆکی دەستەی ئامار لە حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: بەبێ ئەو قەزا و ناحیانەی لە ڕووی ئیدارییەوە سەر بە هەرێمی کوردستانن، بەڵام بۆ ژمارەی دانیشتووانیان لەگەڵ نەینەوا و پارێزگاکانی دیکەی تەنیشت هەرێمەوە هەژمار کراون، ژمارەی دانیشتووانی هەرێمی کوردستان ‌شەش ملیۆن و 503 هەزار کەس بووە.

 

باکگراوند: لە ڕۆژانی 20-21ی مانگی 11ی ساڵی پار، دوو ڕۆژ قەدەغەی هاتوچۆی سنووردار ڕاگەیێنرا و سەرژمێری گشتیی دانیشتووان لە عێراق و هەرێمی كوردستان کرا.