بۆ پرۆژەکانی وەبەرهێنان بێبەرامبەر زەوی دەدرێتە وەبەرهێنەران

ئاڤا نیوز

بۆ گەشەسەندنی ناوچە دوورە دەستەکانی هەرێمی کوردستان و دەرەوەی شارەکان، حکومەتی هەرێمی کوردستان بێبەرامبەر زەوی دەداتە وەبەرهێنەران.

وێنە گەورەکە: دوای سەردانەکەی سەرۆکوەزیران مەسرور بارزانی بۆ هەڵەبجە و ڕاگەیاندنی چەند پڕۆژەیەک، هاوکات کۆمەڵێک بڕیاری بۆ ئەو ناوچانە دەرکرد کە کەم گەشەسەندوون، تاوەکو ئاراستەی وەبەرهێنان لە سەنتەری شارەکانەوە بگوازرێتەوە ناوچەکانی دیکە.

ڕاگەیێنراوی فەرمی: بەڕێوەبەرایەتیی گشتیی وەبەرهێنانی سلێمانی ڕایگەیاند: لەپێناو هاندانی پرۆسەی وەبەرهێنان و زیاتر هاندانی وەبەرهێنان لە ناوچە کەم گەشەسەندووەکان کە مەبەست لێی تێکڕای شار، ناوچە و ناحیەکانی هەرێمی کوردستانە، وەبەرهێنەران لەکاتی پێشکەشکردنی پرۆژەکانی وەبەرهێناندا دەبەخشرێن.

لێدوانی فەرمی: بەرگەشت ئاکرەیی، وتەبێژی دەستەی وەبەرهێنان بە ئاڤا میدیای ڕاگەیاند:

٠ بۆ کرێی خزمەتگوزاریی پرۆژەکان، ڕێژەی 1%ـی کرێی سەرمایەکانیان دێتە نێو سندووقی وەبەرهێنانەوە، بەڵام ئەو پرۆژانە لەو بڕیارە دەبەخشرێن.

٠  زەویی بێبەرامبەر دەبەخشرێتە وەبەرهێنەران، تاوەکو لە شوێنە کەم گەشەسەندووەکان پرۆژە ئەنجام بدەن.

٠  چاوپۆشی لە قەبارەی سەرمایەی پرۆژەکان دەکرێت، ئەگەر قەبارەی سەرمایەکە کەمتریش بێت، ئەوا ڕێگەی پێ دەدرێت پرۆژەکە ئەنجام بدات.