سوپاسالاری پێشمەرگە: پابەندی پرۆسەی چاكسازیی پێشمەرگەین

ئاڤا نیوز

سوپاسالاری پێشمەرگە لە دیدارێكیدای لەگەڵ بەرپرسێكی كونسوڵخانەی ئەمریكا لە هەولێر دووپاتی دەكاتەوە كە وەزارەتی پێشمەرگە پابەندی پرۆسەی چاكسازیی و ڕێكخستنەوەی هێزی پێشمەرگەیە.

وێنە گەورەكە: ئەمڕۆ دووشەممە 24-2-2025، فەریق ڕوکن عیسا عوزێر، سوپاسالاری وەزارەتی پێشمەرگە، پێشوازیی لە کۆڵۆنێڵ گیڤن رایس، بەرپرسی نووسینگەی هاریکاری ئاسایش لە کونسوڵخانەی گشتیی ئەمریکا لە هەولێر کرد.

ڕاگەیێنراوی فەرمی: بەپێی ڕاگەیێنیراوێكی وەزارەتی پێشمەرگ،

- سەردانی بەرپرسەكەی كونسوڵخانەی ئەمریكا بۆ لای سوپاسالاری پێشمەرگە بەمەبەستی ماڵئاوایی و كۆتاییهاتنی ئەركەكەی بووە لە هەرێمی كوردستان و سوپاسالاری پێشمەرگەش سوپاسی هەوڵ و کارەکانی کۆڵۆنێڵ گیڤنی کرد و هیوای سەرکەوتنی لە ئەرکی داهاتوو بۆ خواست.

- لە دیدارەكەدا بەرنامە و پلانی داهاتووی هاوبەش و گرنگیدان بە دوایین هەوڵەکانی وەزارەتی پێشمەرگە لە پڕۆسەی دووبارە ڕێکخستنەوەی یەکە و هێزە جیاوازەکانی پێشمەرگە و هەڵسەنگاندن بۆ چۆنیەتی بەڕێوەچوونی پرۆسەکە و ئایندەی هێزی پێشمەرگەی کوردستان خرایە بەرباس.

- سوپاسالاری پێشمەرگە، دووپاتی كردەوە كە وەزارەتی پێشمەرگە پابەندە بە پڕۆسەی چاکسازی و ڕێکخستنەوەی هێزی پێشمەرگە بە پێی کارنامەی لێگتێگەیشتن، ئەمساڵ بەشێکی دیکەی هێزی پێشمەرگە لە چوارچێوەی فیرقەی تازەدا ڕێکدەخرێنەوە و دەکەونە ژێر کۆنترۆڵ و فەرماندەیی فیرقەکان.