وەزیری ناوخۆی عێراق: هێزى زیاتر ڕەوانەى سنووری سلێمانى دەکرێت

ئاڤا نیوز

 

حکومەتی عێراق بۆ کۆنترۆڵکردنی سنووری عێراق لەگەڵ وڵاتانی دراوسێ، هێزی زیاتر لە ناوچە سنوورییەکانی هەرێمی کوردستان جێگیر دەکات و ئاسایشیان تووندتر دەکاتەوە.

 

بۆچی گرنگە؟ سنوورى نێودەوڵەتیی عێراق زیاتر لە شەش هەزار و 500 کیلۆمەترە  و لەگەڵ شەش وڵاتى دراوسێیە، بەشێک لەو سنوورانە هەڕەشەیان لەسەرە و بە کۆنتڕۆڵکردنی تەواویان، مەترسییەکان کەمتر دەبنەوە. 

 

لێدوانی فەرمی: "پەیوەندییەکی باشمان لەگەڵ وەزارەتى ناوخۆى هەرێمى کوردستان هەیە و هێزى زیاتر ڕەوانەى سنووری سلێمانى دەکەین، بە پێویستیشى دەزانین هێزەکانى پاسەوانى سنوور بچنەوە ئەو ناوچانەى کە سوپاى تورکیا کۆنترۆڵى کردوون". عەبدولئەمیر شەمەرى، وەزیرى ناوخۆى عێراق وای گوتوە.

 

زانیاریی زیاتر: عێراق لە سنووری ئێران و تورکیا خاڵی چاودێری داناوە؛ لە سنوورى ئێران بازرگانیی ماددەى هۆشبەر و چەک دەکرێت، سنوورى تورکیاش بووەتە گۆڕەپانى ئۆپەراسیۆنى تورکیا دژی پەکەکە.