ڕێژەی زەکات و سەرفیترە و فیدیەی مانگی رەمەزان دیار دەکرێت

ئاڤا نیوز

ئەنجوومەنی باڵای فەتوای یەكێتیی زانایانی ئایینی ئیسلامی كوردستان تایبەت بە ڕێژەی زەكات و سەرفیترە و فیدیەی مانگی ڕەمەزانی ئەمساڵ كۆبووەوە و ڕێژەكەی دیاریكرد.

وێنە گەورەكە: ئەنجوومەنی باڵای فەتوا هەڵسەنگاندنێكی لە چوارچێوەی بنەماکانی شەریعەت و ڕێساکانی فیقهی ئیسلامی و بەراوردکردنی بۆچوونی گەورە زانایان و لەبەرچاوگرتنی نرخی زێڕو زیو كردووە و پاڵپشت بە بەڵگەی دروست و زانستی، ڕێژە و ئەندازەی زەکات و سەرفیترە و فیدیەی بۆ ئەمساڵ دیار كردووە.

ڕاگەیێنراوی فەرمی: ئەنجوومەنی باڵای فەتوا ڕایگەیاند:

٠ ڕێژەی سه‌رفیتره‌ بۆ هه‌ر كه‌سێك له‌ ئه‌مساڵدا به‌ لایه‌نی كه‌م سێ هه‌زار دینار ده‌بێت و ئه‌ندازه‌ی فیدیه‌ی به‌ڕۆژوونه‌بوون بۆ هه‌ر ڕۆژێك سێ هه‌زار دینار ده‌بێت.

٠ ئه‌ندازه‌ی ئه‌و پاره‌یه‌ی زه‌كاتی تێدا واجب ده‌بێت (نیسابی زه‌كات) بریتییه‌ له‌ دوو ملیۆن و پێنجسەد هه‌زار دینار، واته‌ هه‌ر كه‌سێك (دوو ملیۆن و پێنجسەد هه‌زار دینار)ـی عێڕاقی هه‌بێت و ساڵی به‌سه‌ردا سوڕابێته‌وه‌، واجبه‌ بۆ هه‌ر ملیۆنێك بیست و پێنج هه‌زار دیناری عێڕاقی به ‌زه‌كات بدات به‌ هه‌ژار و كه‌مده‌رامه‌تان.