گەنجانی مەریوان لەنێو بەفردا شایی دەکەن

ئاڤا نیوز

لە شاری مەریوان لە ڕۆژهەڵاتی کوردستان بەفرێکی زۆر باریوە، گەنجانی شارەکەش لە کەشێکی سار و بەفراویدا، لەنێو بەفر شایی دەکەن و خۆشیی دەردەبڕن.

چیرۆکی سەرەکی: هەموو کوچە و کۆڵانەکانی شاری مەریوان سپی پۆش بوونە و بەفرێکی زۆر باریوە، لەو کەشە سارد و بەفراوییەدا ژمارەیەک گەنج چوونەتە سەر شەقامەکان و خۆشی دەردەبڕن و هەڵدەپەڕن، پلەکانی گەرما تاوەکو نزیکی 14 پلە ژێر سفر دابەزیوە.

زانیاریی تایبەت: ئەم گەنجانە ڤیدیۆی شایی و خۆشییەکانیان بۆ ئاڤا ناردووە و دەیانەوێ لەڕێگەی گەشتی هەواڵەکانی کاتژمێر 07:00ی ئاڤا میدیاوە خەڵک بینەری خۆشییەکانیان بن.

زانیاریی زیاتر: بەپێی ڕاپۆرتی کەشناسیی ئێران، لە مەریوان 40 سانتیمەتر بەفر باریوە، شەپۆلی سەرما و بەفربارین زۆر بە چڕی ڕۆژهەڵاتی کوردستانی گرتووەتەوە، لە هەندێک شوێن زیاتر لە یەک مەتر بەفر باریوە، بەتایبەت لە ناوچە شاخاوییەکانی هەورامان.