دیالۆگی نیشتمانی سووریا دەستپێدەکات و بەڕێوەبەرایەتیی خۆسەر ڕەتی دەکاتەوە

ئاڤا نیوز

 

ئەمڕۆ سێشەممە 25-2-2025، کۆنگرەی دیالۆگی نیشتمانی سووریا بەبێ بەشداریی کورد لە دیمەشق دەکرێت و بەڕێوەبەرایەتیی خۆسەر کارەکانی دیالۆگەکە ڕەت دەکاتەوە.

 

وێنە گەورەکە: ڕۆژی 12-2-2025، لیژنەیەکى حەوت کەسی بۆ ئامادەکاریى "کۆنگرەى دیالۆگى نیشتمانى" لە سووریا ڕاگەیێنرا، بەڵام لیژنەکە هیچ ئەندامێکی کوردی تێدا نەبوو، ئەمڕۆش لیژنەکە دەست بە کارەکانی دەکات و ماوەی دوو ڕۆژ بەردەوام دەبێت.

 

پەیامی فەرمی: پێشتر بەڕێوەبەرایەتیی خۆسەر کارەکانی "کۆنگرەی دیالۆگی نیشتمانی" بەبێ بەشداریی کورد ڕەتکردەوە و ڕایگەیاند: لیژنەکە نوێنەرایەتیی تەواوی پێکهاتەکانی سووریا ناکات.

- مەترسی لەسەر گەڕانەوەی وڵاتەکە بۆ سیستمی ناوەندیی پێشوو هەیە.

-ئێمە لە باکوور و ڕۆژهەڵاتی سووریا ئەو کۆنگرەیە قبووڵ ناکەین و نامانەوێت.

-پێویستە لە ڕێگەی بەشداری کارا و دیموکراسییانەی بزووتنەوەی سیاسی، مەدەنی و ژنان لە پرۆسەی ڕاگوزەر لەبەرچاو بگیرێت.

-بە دوورخستنەوە و پشتگوێخستنی لایەنێک، مومکین نییە دیالۆگ پێک بێت.

-ئەم دوورخستنەوەیە دەستپێکی سیاسەتی پشتگوێخستنە و لەلایەن گەلانی سووریاوە قبووڵکراو نییە.

ئەوەی پێویستە بیزانیت: گفتوگۆکانی "کۆنگرەی دیالۆگی نیشتمانی" سووریا تایبەت دەبێت بە بابەتەکانی پەیوەست بە دیاریکردنی چارەنووسی وڵاتەکە،  کارکردن بۆ دەستوورێکی نوێ و چاکسازی لە دامودەزگاکاندا.