ئاڤا میدیا دەبێتە ماڵە گەورەكەی خانەنشنیان

ئاڤا نیوز

ئەمڕۆ ڕۆژی خانەنشینانە لە ئاڤا میدیا و بەدواداچوون بۆ وەڵامی پرسیاری هەزاران خانەنشینی هەرێمی کوردستان دەکرێت و ئەنجامەکەشی بڵاودەکرێتەوە.

وێنە گەورەکە: وەك ئەركێكی سەرشانی و بۆ خزمەتكردن بەو توێژەی كۆمەڵگە، ئاڤا میدیا چەند ژمارە تەلەفۆنێكی بڵاوكردووەتەوە  بۆ ئەوەی خانەنشنیان پەیوەندیی بكەن و ئەو پرسیارانە بكەن كە تاوەكو ئێستا بێ وەڵام ماونەتەوە سەبارەت بە مووچە و ڕێككارەكانی خانەنشینی.

ئەوەی پێویستە بیزانیت: دوو ڕۆژە لەسەرتاسەری هەرێمی كوردستانەوە هەزاران پەیوەندیی بە ژمارە مۆبایلەكانی ئاڤا میدیاوە كراوە و لەلایەن تیمێكی تایبەتی ئاڤاوە وەڵام دراونەتەوە، خانەنشینان پرسیار دەكەن و ئێمەش تۆماریان دەكەین.

ئەمەش بزانە: ئەمڕۆ تیمێكی ئاڤا میدیا سەرجەم پرسیارەكان ئاراستەی بەڕێوەبەری گشتیی خانەنشینی هەرێمی كوردستان دەكەن و دواتریش هەموو وەڵامەكان دەخرێنەوە بەرچاو و گوێی خاوەن پرسیارەكان.

زانیاریی زیاتر: سەدان خانەنشین ئامادەییان دەربڕیوە بۆ ئەوەی كاتژمێر 7:00ی ئێوارە لەگەڵ هەوراز گوڵپی ئامادەی نێو ستۆدیۆ بن و گوێیان لە وەڵامی پرسیارەكانیان بێت و پرسیاری دیكەش بورووژێنن.

بۆچی گرنگە:  ئەمڕۆ ئاڤا میدیا دەبێتە ماڵە گەورەكەی خانەنشنیان و هەركەس ئارەزوو بكات لەنێو ستۆدیۆ دەبێتە میوانی ئێمە، ئەو كارەی تاوەكو ئێستا هیچ میدیایەكی كوردستان نەیتوانیوە بیكات، ئێمە دەیكەین و جارێكی دیكە دروشمی نە كراوە و نەبینراوە دەسەلمێنینەوە.