مامەڵەی کاغەزی لە وەزارەتەکان نامێنێت

ئاڤا نیوز

حکومەتی هەرێمی کوردستان بەردەوامە لە فراوانکردنی سیستمی دیجیتاڵی و یەکێک لە دیارترین هەنگاوەکانیش نەهێشتنی ڕۆتیناتی کاغەزی دەبێت لە وەزارەتەکان.

وێنە گەورەکە: حکومەتی هەرێمی کوردستان سیستمی document management بۆ پەیوەندیی نێوان وەزارەتەکان دادەمەزرێنێت، بەمەش ڕۆتیناتی مامەڵەی کاغەزی لە نێوان وەزارەتەکان نامێنێت و کارەکان بە ئەلیکترۆنی دەکرێت.

لێدوانی فەرمی: هیوا ئەفەندی، بەرپرسی فەرمانگەی تەکنەلۆجیای زانیاری بە ئاڤا میدیای ڕاگەیاند: سیستمەکە تەواو بووە و تەنها ماوە ڕاهێنان بە فەرمانبەرە تایبەتەکان بکرێت، پەیڕەوکردنی سیستمەکەش بۆ نەهێشتنی ڕۆتیناتی مامەڵە کاغەزییەکانی وەزارەتەکانە لە گواستنەوەی نووسراوەکاندا.

ئەوەی پێویستە بیزانت: سیستمی document management ئەو سوودانەی دەبێت:

٠ هاووڵاتیان لەڕێگەی ئەپێکەوە دەزانن نووسراوەکانیان لە کام وەزارەتە.

٠ هەموو نووسراوێک ژمارەیەکی دیجیتاڵی دەبێت.

٠ نووسراوەکان لە سیستمەکەدا ون نابن.

٠ گەڕان بە دوای ئەرشیڤ و نووسراوەکاندا ئاسانتر دەبێت.

٠ ڕۆتیناتی کاغەزی لە نێوان وەزارەتەکان نامێنێت.