هاتووچۆی هەولێر: بڕیاری لێخۆشبوونی سزا داراییەکان تاوەکوو 31ـی ئازار بەردەوامە

ئاڤا نیوز

بەرێوەبەرایەتی گشتیی هاتووچۆی هەولێر ڕایگەیاند، بڕیاری لێخۆشبوونی 20%ـی سزا داراییەکانی هاتووچۆ تاوەکو 31ـی مانگی سێ بەردەوام دەبێت.

ڕاگەیێنراوی فەرمی: ڕۆژی چوارشەممە، 26ـی شوباتی 2025، هاتووچۆی هەولێر ڕایگەیان:

- ماوەی چەند ڕۆژێکە ژمارەیەکی زۆری هاووڵاتیان سەردانی بەڕێوەبەرایەتییەکەمان دەکەن بۆ مەبەستی پاکتاوکردنی سزادارایەکانی سەر ئۆتۆمبێلەکانیان، بۆئەوەی سوودمەندبن لە لێخۆشبوونی 20%ـی سزا داراییەکانی هاتووچۆ.

- دەنگۆیەک بڵاو بووەتەوە، گوایە لە کۆتایی ئەم مانگە بڕیاری لێخۆشبوونەکە کۆتایی دێت، بەڵام ئەو دەنگۆیە ڕاست نیە، بڕیاری لێخۆشبوونەکە تا 31-3-2025، بەردەوامی دەبێت و هەوڵ دراوە بۆ جاری سێەمیش درێژ بکرێتەوە.