سەرۆک بارزانی و مەشهەدانی ئاڵنگارییە هاوبەشەكانی نێوان هەولێر و بەغدا تاوتوێ دەكەن

ئاڤا نیوز

سەرۆک بارزانی لەگەڵ مەحموود مەشهەدانی، سەرۆكی ئەنجوومەنی نوێنەرانی عێراق دەكات، گۆڕانكارییە سیاسی و ئەمنییەكانی ناوچەكە و پەیوەندییەكانی نێوان هەردوو حكومەتی هەرێمی كوردستان و فیدڕاڵی تاوتوێ دەكەن.

چیرۆكی سەرەكی: ئەمڕۆ چوارشەممە 26-2-2025، لە سەڵاحەددین، سەرۆک مەسعود بارزانی پێشوازی لە مەحموود مەشهەدانی، سەرۆکی ئەنجوومەنی نوێنەرانی عێراق کرد.

 

ڕاگەیێنراوی فەرمی: بارەگەی بارزانی لەڕاگەیێنراوێكدا ئاماژەی بەوەكردوو، لەو دیدارەدا تیشک خرایە سەر دوایین ڕووداو و گۆڕانکارییە سیاسی و ئەمنییەکانی ناوچەکە و هەروەها پەیوەندییەکانی نێوان حکوومەتی هەرێمی کوردستان و حکومەتی عێراقی فیدڕاڵ، تاوتوێ كراوە.

 

بۆچی گرنگە: هەردوولا جەختیان لەسەر هەماهەنگی و کاری هاوبەشی لایەنە سیاسییەکان كردەوە بۆ تێپەڕاندنی کێشەکان و ڕووبەڕووبوونەوەی ئاڵنگارییەکان.

 

ئەوەی پێویستە بیزانیت: ئەنجوومەنی نوێنەرانی عێراق بە سەرۆكایەتی مەحموود مەشهەدانی، بەمدواییانە، سێ یاسای گرنگی بۆ چارەسەركردنی پرسە هەڵپەسێردراوەكان و كێشە داراییەكانی نێوان هەولێر و بەغدا تێپەڕاند، ئەوانیش: هەموارکردنەوەی یاسای بودجەی گشتيى عێراق و هەناردەكردنەوەی نەوتی هەرێمی كوردستان، هه‌روه‌ها ياساكانى په‌يوه‌ست به‌ گێڕانه‌وه‌ى زه‌وي و زارى ئەو خەڵكانەی كە لەسەردەمی ڕژێمی پێشووی بەعس، دەستیان بەسەردا گیرابوو.