ژاپۆن پڕۆژەی ئاوی هەڵەبجە جێبەجێ دەكات

ئاڤا نیوز

جێگری سەرۆكوەزیرانی كوردستان سوپاسی حكومەتی ژاپۆن دەكات بۆ جێبەجێكردنی پڕۆژەی ئاوی هەڵەبجە و یارمەتیدانی مۆزەخانەی سلێمانی و گەڕاندنەوەی كۆمەڵێك شوێنەواری مێژوویی بۆ مۆزەخانەكە.

وێنە گەورەكە: ئەمڕۆ چوارشەممە 26-2-2025، قوباد تاڵەبانی، جێگری سەرۆكوەزیرانی حكومەتی هەرێمی كوردستان، پێشوازی لە ئەكیرا ئیندۆ، باڵیۆزی نوێی ژاپۆن لە عێراق كرد، وێڕای پیرۆزبایی دەستبەكاربوونی لە باڵیۆزی نوێی ژاپۆن لە عێراق، هیوای خواست لەماوەی ئەركەكەیدا، پەیوەندییەكانی هەرێمی كوردستان و ژاپۆن بەرەوپێشچوونی زیاتر بەخۆیەوە ببینێت.

لێدوانی فەرمی: قوباد تاڵەبانی، سوپاسی حکومەتی ژاپۆنی کرد بۆ هەموو هاوکارییەکانی لە هەرێمی کوردستان، بە تایبەتیش جێبەجێکردنی پرۆژەی ئاوی هەڵەبجە و یارمەتیدانی مۆزەخانەی سلێمانی و گەڕاندنەوەی کۆمەڵێک شوێنەواری مێژوویی بۆ مۆزەخانەكە.

بەتەنیشت ئەم بابەتەوە: لە کۆبوونەوەکەدا هەردوولا جەختیان لەسەر پێویستیی پەرەپێدانی پەیوەندییەکانی نێوان هەرێمی كوردستان و وڵاتی ژاپۆن لە بوارە جیاوازەکاندا كرده‌وه‌. لەم چوارچێوەیەدا باڵیۆزی نوێی ژاپۆن لە عێراق ئامادەیی حکومەتی وڵاتەكەی دەربڕی لە پەرەپێدانی تواناکانی گەنجانی كوردستان لە بوارەکانی تەکنەلۆژیا و کارسازی.