کەسوکاری شەهیدان لە کرێ و خەرجی خوێندن دەبەخشرێن

ئاڤا نیوز

بەبڕیاری  حکومەتی هەرێمی کوردستان کەسوکاری شەهیدان لەکۆی خەرجییە داراییەکانی قوتابخانە ئەهلییەکان دەبەخشرێن، جگە لە کرێی خوێندن کە ئەویشیان لێوەرناگیرێت.

وێنە گەورەکە: ساڵانە حكوومەتی هەرێمی كوردستان لە ڕێی وەزارەتی كاروباری شەهیدان و ئەنفالكراوان، كرێی خوێندنی منداڵانی شەهیدان و ئەنفالكراوان و زیندانییانی سیاسیی  لەقوتابخانە و زانکۆ  ئەهلییەکاندا دابین دەكات.

نووسراوی فەرمی: بەگوێرەی نووسراوی فەرمی سەرۆکایەتی دیوانی ئەنجوومەنی وەزیران، بڕیاردراوە کەسوکاری شەهیدان ئەوانەی لە قوتابخانە ئەهلییەکان درێژە بەخوێندن دەدەن، لە خەرجی (جل و بەرگ، پەرتووک، هاتوچۆ و خواردن) ببەخشرێن لە پاڵ کرێی خوێندنی ساڵانە.