دەستپاکی عێراق: لە مانگێکدا ڕێگرییمان لە دزینی 18 ملیار دینار کردووە

ئاڤا نیوز

دەستەی دەستپاکی عێراق ڕایگەیاند، مانگی ڕابردوو بەبەهای زیاتر لە 18 ملیار دینار ڕێگرییان لە دزینی سامانی گشتی کردووە.

چیرۆکی سەرەکی: بەوتەی ئەندامانی لیژنەی دەستپاکی لە پەرلەمانی عێراق، ئەو پارانەی دەستەی دەستپاکی ئاشکرای دەکات زۆر کەمن و قەبارەی گەندەڵی لە وڵاتدا مانگانە ملیۆن و هەندێکجاریش ملیاران دۆلارە.

ڕاگەیێنراوی فەرمی: دەستەی دەستپاکی عێراق لە ڕاگەیێنراوێکدا ئاماژەی بەوەکردووە، مانگی یەکی ئەمساڵ لەڕێگەی رێککارەکانی پارێزگاری و بەرپەرچدانەوەوە 18 ملیار و 30 ملیۆن دینار هەوڵی دزینی پارە ئاشکرا کراوە، لەو بڕەش بە کرداری 22 ملیۆن دینار گەڕێنراوەتەوە و  ڕێگری لە بەفیڕۆدانی ملیارێک و 254 ملیۆن دیناریش کراوە.