دەوامی ئەنجوومەنی دادوەری و سەرجەم دادگاكان كەمدەکرێتەوە

ئاڤا نیوز

ئەنجوومەنی دادوەریی هەرێمی كوردستان، وەك یەكەم دەزگا بە بۆنەی هاتنی مانگی ڕەمەزان بڕیاری كەمكردنەوەی دەوامی سەرجەم دادگاكانی دا.

بڵاوكراوەی فەرمی: ئەنجوومەنی دادوەریی هەرێمی كوردستان ڕایگەیاند: بەپێی بڕیاری کۆبوونەوەی ئەنجوومەنی دادوەریی، دەوامی فەرمی ئەنجوومەن و سەرجەم دادگاكانی هەرێمی كوردستان لە كاتژمێر 8:30ـی سەرلەبەیانی دەستپێدەکات تاوەكوو کاتژمێر 1:00ـی پاشنیوەڕۆ بەردەوام دەبێت.

زانیاریی زیاتر: ساڵانە لە مانگی ڕەمەزان، حكومەتی هەرێمی كوردستان بە فەرمی كاتژمێرێك دەوامی فەرمانبەران كەمدەكاتەوە بەڵام ئەمساڵ تاوەكوو ئێستا بڕیارێكی لەمجۆرە نەدراوە.