دەستەی ژینگە سزاكانی سەرپێچیی مۆلیدەی گەڕەكەكان ئاشكرا دەكات

ئاڤا نیوز

دەستەی پاراستن و چاککردنی ژینگەی هەرێمی كوردستان جۆری سەرپێچی و سزاكانی مۆلیدەی گەڕەكەكان لە چوارچێوەی ڕێنماییەك ئاشكرا دەكات.

بڵاوكراوەی فەرمی: بەپێی ڕێنمایی ژمارە 2ـی ساڵی 2023ـی بەدواداچوون و بەرزەفتكردنی سەرپێچییە ژینگەییەكان كە لە دەستەی پاراستن و چاككردنی ژینگە دەرچووە، هەر مۆلیدەیەكی گەڕەكەكان سەرپێچیی بكات سزا دەدرێت.

زانیاریی زیاتر: لە ناوەڕۆكی ڕێنماییەكان جۆری سەرپێچی و سزاكان بەمشێوەیەی خوارەوە دیاركراوە:-

٠ ئەگەر سەوزایی نەبێت، 300 تاوەكوو 500 هەزار دینار سزا دەدرێت.

٠ ئەگەر ژاوەژاوی هەبێت، 500 هەزار دینار سزا دەدرێت.

٠ هەر مۆلیدەیەك دووكەڵ بكات، بە بڕی ملیۆنێك تاوەكو ملیۆنێك و 500 هەزار دینار سزا دەدرێت.

٠ هەر مۆلیدەیەك زەوییەكەی كۆنكریت نەكرابێت، 500 هەزار دینار سزا دەدرێت.

٠ هەر مۆلیدەیەك دیواری بۆ نەكرابێت بە یەك ملیۆن دینار سزا دەدرێت.

ئەگەر دەوروبەری مۆلیدەكە بە گازوایل و ڕۆن پیس كرابێت، بە 500 هەزار دینار تاوەكوو یەك ملیۆن دینار سزا دەدرێت.