بە فەرمانی سەرۆکوەزیرانی کوردستان ژینگەپارێزێکی هەڵەبجە بە شەهید هەژمار کرا

ئاڤا نیوز

ئەمڕۆ دووشەممە سەرۆکوەزیرانی کوردستان بڕیاری دا، ئاری موختار جەمال کە مانگی هەشتی ئەمساڵ لە کاتی کوژانەوەی ئاگری شاخەکانی چنار و مۆردێن لە هەڵەبجە گیانی لەدەستدا، بە شەهیدی هاووڵاتی هەژمار بکرێت.

نووسراوی فەرمی: ئەمڕۆ دووشەممە بە واژۆی مەسرور بارزانی، سەرۆکوەزیرانی کوردستان و بە نووسراوی ژمارە 4167 بڕیار درا، مردنی ژینگەپارێز ئاری موختار بە شەهید هەژمار بکرێت و بڕیارەکە چووەتە بواری جێبەجێکردن.

لێدوانی فەرمی: ئەحمەد مام ڕەسوڵ، بەڕێوەبەری خزمەتگوزاری کەسوکاری شەهیدان بە ئاڤای ڕاگەیاند، شەهیدی هاووڵاتی جیاوازە لە شەهیدی سەنگەر، شەهیدی هاووڵاتی ئەوانەن بەهۆی کارەساتەکانی بۆمباران، تەقینەوە، سووتان گیان لەدەستدەدەن. شەهیدی سەنگەریش ئەوانەن کە لە بەرەکانی جەنگ لەڕووبەڕووبوونەوەی دوژمن شەهید دەبن.

باکگراوند: شەوی 18-08-2025 ئاری موختار لەگەڵ تیمێکی خۆبەخشی ژینگەپارێز لە هەوڵی کۆنترۆڵکردنی ئاگری شاخەکانی چنار و مۆردێن لە هەڵەبجە بە سەختی بریندار بوو، دوای ئەوەی ڕەوانەی نەخۆشخانەی شار لە سلێمانی کرا، بە هۆی زۆری سووتانەکەی گیانی لەدەستدا. 

دەقی فەرمانەکە بە واژۆی سەرۆکوەزیرانی کوردستان؛