هەزار نەمام لە کەرکووک چێندران و پشتێنه‌ی سەوزایی دروست ده‌كرێت

ئاڤا نیوز

بە ئامانجی زیاترکردنی ڕووبەری سەوزایی لە کەرکووک، هەزار نەمام لە شارەکە چێندران و پشتێنەی سەوزایش دروست دەکرێت. 

چیرۆکی سەرەکی: ئەمڕۆ دووشەممە لە پارێزگای کەرکووک هەزار نەمام چێندران، کۆمپانیا نەوتییەکانیش بەڵێنیانداوە هاوکار و هەماهەنگ بن بۆ سەرخستنی ئەو پڕۆژەیە، بە ئامانجی ئەوەی ژینگەی کەرکووک لە ڕێگەیەوە پاکبکرێتەوە. 

لێدوانی فەرمی: ڕێبوار تەها، پارێزگاری کەرکووک ڕایگەیاند: پلانمان هەیە لە سەوزکردنی شارەکە بەردەوام بین، بە درێژایی 27 کیلۆمەتر ڕێگای پشتێنەی کەرکووک نەمام ئەچێنین و پڕۆژە گەورەکەی پشتێنەی سەوز دەست پێ دەکەین.

باسی لەوەشکرد، کەرکووک بۆ ساڵی 2026 دەکەینە پاکترین شاری عێراق و درەختێک ناچێنین ئەگەر نەتوانین ئاوی بۆ دابین بکەین، بەڵکو دەبێت سیستمێکی ڕێکوپێکی هەبێ بۆ گەشەکردن.

زانیاریی زیاتر: ئەو پشتێنە سەوزەی کەرکووک، پانیەکەی پێنج مەترە و درێژییەکەی 27 کیلۆمەترە، کە لە شۆراوەوە دەست پێ دەکات.