ئاڤای خەڵک؛ ئاڤا كێشه‌ی كۆبوونه‌وه‌ى زبڵ له‌ ژماره‌یه‌ک گه‌ڕه‌كی هه‌ولێر چاره‌سه‌ر ده‌كات

ئاڤا نیوز

دانیشتووانی پرۆژە نیشتەجێبوونەکانی شاری ئاشتی یەک، لاوان، ئایندە دوو، قەرەبوو و کەسنەزان، لە هەولێر بەهۆی کۆبوونەوەی زبڵ و خاشاک نیگەرانن.

چیرۆکی سەرەکی: ئەمڕۆ دانیشتووانی ئەم گەڕەکانە چەند وێنە و ڤیدیۆیەکیان بۆ ئاڤا نارد، دەڵێن، لەبەر کۆبوونەوەی زبڵ و خاشاک و پاشماوە لەنزیک ماڵەکانمان ژیانمان نەماوە. هەرچی هەڵدەستێ لێرە خۆڵ و خاشاک فڕی دەدات و ئێوارانیش ئاگری تێبەردەدرێت و بۆن و دووکەڵ هەراسانی کردووین.

لێدوانی فەرمی: عەلی ڕەشاد، سەرۆکی شارەوانی کەسنەزان،بە ئاڤای وت: ئێستا تیمەکانی بەشی خزمەتگوزاری ڕادەسپێرم بچن شوێنەکە پاک بکەنەوە.

هەر دوای پەیوەندییەکەی ئاڤاش تیمەکانی شارەوانی چوون و دەستیانکردووە بە پاککردنەوەی شوێنەکە و داواکارییەکەی ئەو خەڵکە دەستبەجێ جێبەجێ کرا.