هەڵوێستی سەرۆک بارزانی لەبارەی پەیامەکەی ئۆجەلان

ئاڤا نیوز

 

لەدوای بڵاوکردنەوەی پەیامەکەی ئۆجەلان، سەرۆک مەسعود بارزانی ڕایگەیاند، بە هەموو توانایەک پشتیووانی پڕۆسەی ئاشتی لە تورکیاین.

 

وێنە گەورەکە: بەمەبەستی پرسی ئاشتەوایی کورد و تورک، خستنەگەڕی پرۆسەی چارەسەر دوای سەردانی شاندی دەم پارتی بۆ ئیمرالی و گەیاندنی نامە شاراوەکەی عەبدوڵڵا ئۆجەلان، ڕێبەری پارتی کرێکارانی کوردستان بە لایەنە سیاسییەکانی تورکیا، دواتر شاندەکە سەردانی سەرۆک مەسعود بارزانییان کرد لە هەرێمی کوردستان، دواتر پەیامی سەرۆک بارزانییان بۆ بەڕێز ئۆجەلان بردەوە.

 

لێدوانی فەرمی: سەرۆک مەسعود بارزانی لەبارەی پڕۆسەی ئاشتی و چارەسەری لە تورکیا ڕایگەیاند، "جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیووانی پڕۆسەی ئاشتی لە تورکیاین و ئاشتی بە تاکە ڕێگەی دروست بۆ چارەسەرکردنی کێشەکان دەزانین".

 

سەرۆک بارزانی دەشڵێت: "هیوادارین پەیامەکەی بەڕێز ئۆجەلان دەستپێکێک بێت بۆ ئەوەی پڕۆسەی ئاشتی ڕێی خۆی بگرێت و بگاتە ئەنجامێکی وا کە لە بەرژەوەندیی هەموو لایەک بێت".