ئەندامێکی شاندی ئیمرالی: بەرامبەر چەکدانان پێویستە دان بە مافەکانی کورد بنرێت

ئاڤا نیوز

دوای بڵاوکردنەوەی پەیامەکەی ئۆجەلان، ئەندامێکی شاندی ئیمرالی لەبارەی پەیامەکەی ئۆجەلان، جێبەجێکردنی پەیامەکەی بەستەوە بە پێویستی دانپێدانانی سیاسی و دیموکراسی و یاسایی.

وێنە گەورەکە: دوای سێ جار سەردانیکردنی شاندی ئیمرالی بۆ لای عەبدوڵڵا ئۆجەلان، ڕێبەری زیندانیکراوی پەکەکە. بە هەردوو زمانی کوردی و تورکی پەیامەکەی ئۆجەڵان خوێنرایەوە.

لێدوانی فەرمی: دوای تەواو بوونی خوێندنەوەی پەیامە نووسراوەکەی ئۆجەلان، سری سوورەییا ئۆندەر، ئەندامی شاندی ئیمرالی ڕایگەیاند، بۆ ئەوەی بەشێوەیەکی کرداری چەک دابنرێت و پەکەکە خۆی هەڵبوەشێنێتەوە، پێویستە دان بە ڕەهەندە سیاسیی، دیموکراتی و یاساییەکاندا بنرێت.

ئەوەی پێویستە بیزانیت: پارتی کرێکارانی کوردستان (پەکەکە) لە 15ـی ئابی 1984 خەباتی چەکداری دەستپێکردووە. تا ئێستا چوار جار پرۆسەی ئاشتی لەنێوان پەکەکە و تورکیا ئەنجامدراوە، سێ جاریان شکستی هێناوە.