یەكخستنی زاراوە سەربازییەكان لە هەرێمی كوردستان دەستپێدەكات

ئاڤا نیوز

پڕۆژەی یەكخستنی زاراوە سەربازییەكان گەیشتووەتە قۆناغی نووسینەوەی ڕەشنووسی پڕۆژەكە و بەرپرسان و تیمە پەیوەندیدارەكان لەنێو وەزارەتی پێشمەرگە جەخت لە زوو تەواوكردنی پڕۆژەكە دەكەنەوە.

وێنە گەورەكە: لەدیوانی وەزارەتی پێشمەرگە، كۆبوونەوەیەكی هاوبەش لەنێوان تیمی یەكخستنی زاراوە سەربازییەكان و بەڕێوەبەری بەڕێوەبەرایەتيی چاکسازی و بەڕێوەبەرایەتيی گشتيی ڕاگەیاندن و هۆشیاريی نیشتمانی سەر بە وەزارەتی پێشمەرگە بەڕێوەچوو، ئامانج لێی ئامادەكردنی ڕەشنووسی پڕۆژەی یەكخستنی زاراوە سەربازییەكان بوو.

ڕاگەیێنراوی فەرمی: وەزارەتی پێشمەرگە لە ماڵپەڕی فەرمی خۆیدا بڵاویكردۆتەوە،

- سەرجەم تیم و لایەنە پەیوەندیدارەكان هەوڵەكانیان یەكخستووە لەپێناو ئەوەی ڕەشنووسی یەكخستنی زاراوە سەربازییەكان لەكاتێكی نزیكدا تەواوبكرێت و بكەوێتە بواری جێبەجێكردنەوە.

- ئامانجی کۆبوونەوەی لایەنە پەیوەندیدارەکانی پرۆژەی یەکخستنی زاراوە سەربازیيەکان بۆ نووسینەوەی ڕەشنووسی پرۆژەکە بوو.

- ئامادەکاریيەکان تەواو بوونه‌ و سەرجەم لایەنەکان جەختیان لە زوو تەواوکردنی پرۆژەکە كرده‌وه‌.

بەتەنیشت ئەم بابەتەوە: ئۆفیسی هاریکاريی ئاسایشی ئەمه‌ریکا، بە هەماهەنگی لەگەڵ کونسوڵخانەی گشتيی ئەو وڵاته‌ لە هەولێر، لە بەشی تەکنەلۆژیا و زمانەکانى بەڕێوەبەرایەتيی چاکسازیی وەزارەتی پێشمەرگە، سەرقاڵی بەزركردنەوەی توانستی زمانی ئینگلیزییە بۆ ژمارەیەك ئەفسەر و كارمەندی وەزارەتی پێشمەرگە، لەپێناو بەشداریكردنیان لە خولەكانی داهاتوو كە لە دەرەوەی هەرێمی كوردستان بەڕێوەدەچن.