ئیسرائیل: متمانەمان بە ئەحمەد شەرع نییە

ئاڤا نیوز

 

وەزیری بەرگریی ئیسرائیل بوونی هێزەکانی ئیسرائیل لە باشووری سووریا پشتڕاست دەکاتەوە و دەڵێت، هێزەکانی سووریا هەوڵیانداوە لە چەند ناوچەیەک لە باشووری سووریا جێگیر بن، بۆیە ئیسرائیلیش بوونی سەربازیی خۆی زیاتر کردووە.

 

 
لێدوانی فەرمی: ئیسرائییل کاتز، وەزیری بەرگریی ئیسرائیل، گوتی "ڕێگە نادەین ناوچەی لە چەک داماڵراو لە باشووری سووریا پێشێل بکرێت." ئەو گوتیشی "دەبێت باشووری سووریا ببێتە ناوچەیەکی لە چەک داماڵراو و ئێمە متمانەمان بە ئەحمەد شەرع نییە، بەڵکو تەنیا پشتمان بە سوپای خۆمان بەستووە."

 

- هێزەکانیان تا کاتێکی نادیار لە چیای شێخ لە سووریا دەمێننەوە.

لەلایەکی دیکەوە: نەتەوە یەکگرتووەکان و چەندین وڵاتی دیکە پێشڕەویی هێزەکانی ئیسرائیلیان بۆ ناو خاکی سووریا سەرکۆنە کردووە و بە پێشێلی ڕێککەوتننامە نێودەوڵەتییەکانیان ناو بردووە.