ئەمشەو یەكلا دەبێتەوە كە سبەی یان دووسبەی ڕەمەزانە

ئاڤا نیوز

بەمەبەستی دیاركردنی یەكەم ڕۆژی مانگی ڕەمەزان، ئێوارەی ئەمڕۆ لیژنەی بینینی مانگ لە هەرێمی كوردستان چاودێریی دەركەوتنی مانگ دەكات.

وێنە گەورەكە: ساڵانە لە كۆتا ڕۆژی مانگی شەعبان، لیژنەی بینینی مانگی سەر بە وەزارەتی ئەوقاف و كاروباری ئایینی حكومەتی هەرێمی كوردستان لە چەند شوێنێكی جیاجیا چاودێریی دەركەوتنی مانگ دەكات بۆ بڕیاردان لە دیاركردنی یەكەم ڕۆژی مانگی ڕەمەزان.

زانیاریی تایبەت: كاتژمێر (5:00)ی ئێوارەی ئەمڕۆ هەینی 28-02-2025، تیمەكانی لیژنەی بینینی مانگ لە چەند شوێنێكی بەرزی جیاجیای هەرێمی كوردستان چاودێریی دەركەوتنی هیلالی مانگ دەكەن و تاوەكو بانگی شێوان لەوبارەیەوە بڕیار دەدات.

ئەوەی پێویستە بیزانیت: ئەگەر لیژنەكە تاوەكو شەو، مانگیان بینی، ئەوا ڕۆژی شەممە دەبێتە یەكەم ڕۆژی مانگی ڕەمەزان و ئەگەریش نەیانبینی، یەكشەممە دەبێتە یەكەم ڕۆژی مانگی ڕەمەزان.

ئەمەش بزانە: هەرچەندە مەرجەعی باڵای شیعە مەزهەبەکان لە عێراق، ڕۆژی 02-03-2025ـی وەکو یەکەم ڕۆژی مانگی ڕەمەزان دیار كردووە،  بەڵام وەقفی سوننی لە عێراق تاوەکو ئێستا هیچ بڕیارێکی نەداوە سەبارەت بە دیارکردنی یەکەم ڕۆژی مانگی ڕەمەزان، بەپێی پێشبینییە فەلەكناسییەكانیش بێت، ڕۆژی شەممەی داهاتوو 01-03-2025، یەكەم ڕۆژی مانگی ڕەمەزانە.