دانوستانەکانی قۆناغی دووەمی ئاگربەستی غەززە دەستپێدەکەن

ئاڤا نیوز

میسر ڕایگەیاند، دانوستانی نێوان ئیسرائیل و حەماس سەبارەت بە قۆناغی دووەمی ئاگربەستی غەززە، لە قاهیرەی پایتەختی ئەو وڵاتە دەستپێدەکاتەوە.

ئەوەی پێویستە بیزانیت: پێشتر حەماس ڕایگەیاندبوو، ئامادەیە بۆ دەستپێکردنی دانوستانەکانی قۆناغی دووەم. هاوکات ئیسرائیلیش، دوای ئەوەی کە تەرمی چوار بارمتەی خۆی وەرگرتەوە شاندێکی دانوستانی ناردووەتە قاهیرە.

ئەمەش بزانە: هێشتا نزیکەی 60 بارمتەی ئیسرائیلی لە کەرتی غەززە و لە ژێر دەستی حەماسدا ماون. ئیسرائیل لەو باوەڕەدایە کە لەم ژمارەیە 24 کەسیان زیندوون.

زانیاریی زیاتر: بڕیارە لە قۆناغی دووەمی ئاگربەستەکەدا ژمارەیەکی دیکەی بارمتەی ئیسرائیلی و دیلی فەلەستینی ئاڵوگۆڕ بکرێن و بە یەکجاریی کۆتایی بە شەڕ لە کەرتی غەززە بهێنرێت.