ئەڵمانیا پەیامەکەی ئۆجەلان بە دەرفەتێکی مێژوویی ناودەبات

ئاڤا نیوز

ئەڵمانیا پێشوازیی لە پەیامەکەی عەبدوڵڵا ئۆجەلان، ڕێبەری زیندانیکراوی پەکەکە، دەکات و بە دەرفەتێکی مێژوویی ناوی دەبات کە بە هۆیەوە کۆتایی بە نائارامییەکان و یاخیبوونەکان لە دژی دەوڵەتی تورکیا دێت.

 

ڕاگەیێنراوی فەرمی: وتەبێژێک بە ناوی وەزارەتی دەرەوەی ئەڵمانیا لە ڕاگەیێنراوێکدا دەڵێت، "کۆتاییهێنان بە تووندوتیژی هەنگاوی یەکەم و گرنگە، بەڵام هەنگاوی زیاتر پێویستە. ئەمەش لە سەرووی هەموو شتێکەوە، ڕێزگرتن و دەستەبەرکردنی مافە کولتووری و دیموکراتییەکانی کورد لە تورکیا لە خۆ دەگرێت."

 
زانیاریی زیاتر: ڕاگەیێنراوەکە پشتیوانیی ئەڵمانیا بۆ پڕۆسەی ئاشتی لە تورکیا دوپات دەکاتەوە و تێیدا هاتووە "وەک حکومەتی فیدراڵ، ئامادەین ئەوەی لە تواناماندایە بیکەین بۆ پشتگیری کردنی ئەم پرۆسەیە."