پڕۆژەی ڕووناکی چوار گەڕەکی دیکەی هەولێر ڕووناک دەکاتەوە

ئاڤا نیوز

ئەمشەو پڕۆژەی ڕووناکی دەگاتە چوار گەڕەکی دیکەی هەولێر، بەمەش کۆی گەڕەکە سوودمەندبووەکانی ئەو شارە دەگاتە 17 گەڕەک و 65 هەزار هاوبەش، تا ئێستاش نزیکەی 250 هەزار هاووڵاتی لێی سوودمەندبوونە.

وێنە گەورەکە: لە درێژەی هەوڵەکانی حکومەتی هەرێمی کوردستان بۆ دابینکردنی کارەبای 24 کاتژمێری لە ڕێگەی پڕۆژەی ڕووناکی، ئەمشەو وەزارەتی کارەبا هەڵدەستێت بەدابینکردنی کارەبای نیشتیمانی 24 کاتژمێری بۆ چوار گەڕەکی دیکەی شاری هەولێر کە بریتین لە گەڕەکەکانی (نیشتیمان، ڕاپەڕین، نەورۆز و ماردین) کە نزیکەی 14 هەزار هاوبەشی لەخۆگرتووە.

 

ڕاگەیێنراوی فەرمی: وەزارەتی کارەبای حکومەتی هەرێمی کوردستان ڕایدەگەیەنێت، هاوتەریب لەگەڵ پارێزگای هەولێر، کارە تەکنیکییەکان لە هەردوو پارێزگای سلێمانی و دهۆک دەستیانپێکردووە، و بەمزووانەش چەند گەڕەکێک لەم پارێزگایانەشدا دەکرێن بە کارەبای 24 کاتژمێری.

 

زانیاریی زیاتر: پێشتر پڕۆژەکە لە 13 گەڕەکی شاری هەولێر تەواوکراوە و ئێستا 51 هەزار هاوبەشی کارەبا لە پڕۆژەی ڕووناکی سوودمەندن، کە بریتین لە گەڕەکەکانی: شادی، بەهاری نوێ، نازناز، بەختیاری، سەربەستی، کوران، کوردستان، ماجیداوە، ڕزگاری، بەهار، کرێکاران، ئازادی، ڕاستی، بەهۆیەوەش تا ئێستا نزیکەی 250 هەزار هاووڵاتی لە خزمەتگوزارییەکە سوودمەند بوونە.

 

بابەتە ستراتیژییەکە: حکومەتی هەرێمی کوردستان لەڕێگەی پڕۆژەی ڕووناکی ئامانجی ئەوەیە تا کۆتایی ساڵی 2026، کارەبای سەرتاسەری هەرێمی کوردستان بکرێتە 24 کاتژمێری.

 

ئەوەی پێویستە بیزانیت: ئەو هاووڵاتیانەی پڕۆژەی ڕووناکییان پێگەیشتووە دەتوانن پەیوەندی بکەن بە سەنتەری خزمەتگوزاری پڕۆژەکە لەڕێگای ژمارە 1992 لەکاتی هەبوونی هەر پرسیارێک یان کێشەک، سەنتەرەکە لەکاتژمێر 9ـی بەیانی تاوەکو 9ـی شەو بەردەستە.