هەفتە دانیشتنی وێنە و فیلم لە سەردەشت بەڕێوەدەچێت

 

ئاڤا نیوز

لە ڕۆژهەڵاتی کوردستان، 17ـەهەمین دانیشتنی هەفتانەی وێنە و فیلم بەڕێوەچوو، ئەم هەفتەیە جیاواز لە هەفتەکانی ڕابردوو چالاکییەکە لە سەردەشت بوو.

چیرۆکی سەرەکی: ئەنجوومەنی سینەمای گەنجان 17ـەهەمین دانیشتنی هەفتانەی وێنە و فیلمی لە شاری سەردەشت کرد کە تێیدا پێشانگەی وێنەیی و شێوەکاریی، دوو وۆرکشۆپ و نمایشکردنی فیلم بەرێوەچوون.

زانیاریی زیاتر: لە پێشانگەکەدا 42 تابلۆ نمایشکرابوون، بەڵام کۆی گشتی هونەرمەندانی بەشدار لە چالاکیییەکەدا 60 هونەرمەند بوون و ئەوانی دیکە بە نمایشکردنی فیلمی دۆکیومێنتاری و کورتە فیلم بەشدارییان کردبوو. وۆرکشۆپەکانیش بە سەرپەرشتی مەجید بەرزەگەر و ئەرسەلان ئەمیری، دەربارەی فیلمسازی و دیاریکردنی ڕێچکەی هونەری بەڕێوەچوون.

ئەمەش بزانە: ئەو فیلمانەی کە لە چالاکییەکەدا نمایشکران بەشی زۆریان فیلمسازانی ڕۆژهەڵات دروستیان کردبوون و هەندێک لە کورتە فیلمەکانیش فیلمسازانی فارس بەرهەمیان هێنابوو.