بێخاڵ و گەلی عەلی بەگ سەر لە نوێ دیزاین دەكرێنەوە

ئاڤا نیوز

 

بە بەهای 110 ملیۆن یۆرۆ، چەند وەبەرهێنەرێكی ئیتاڵی پڕۆژەی دووبارە دیزاینكردنەوەی هەردوو هاوینەهەواری گەلی عەلی بەگ و بێخاڵ لە سنووری پارێزگای هەولێر جێبەجێ دەكەن و سەرۆكی دەستەی وەبەرهێنانیش دەڵێت، "پڕۆژەكە گەورە و ستراتیژییە".

 

چیرۆكی سەرەكی: ناوەڕاستی مانگی ڕابردوو كۆڕبەندی ئابووریی كوردستان - ئیتاڵیا  بە بەشداریی هەریەك لە وەزیری كشتوكاڵ و بەرپرسی فەرمانگەی پەیوەندییەكانی دەرەوە و سەرۆكی دەستەی وەبەرهێنانی هەرێمی كوردستان لە ڕۆمای پایتەختی ئیتاڵیا بەڕێوەچوو بە ئامانجی ڕاكێشانی وەبەرهێنەرانی ئیتاڵیا بۆ هەرێمی كوردستان بۆ ئەوەی پڕۆژەی وەبەرهێنان ئەنجام بدەن.

 

لێدوانی فەرمی: د. محەممەد شوكری، سەرۆكی دەستەی وەبەرهێنانی هەرێمی كوردستان بە ئاڤا میدیای ڕاگەیاند: لە پەراوێزی بەشداریكردنمان لە كۆنفڕانسی ئیتاڵیا واژۆ لەسەر پڕۆژەیەكی گەورەی ستراتیژیی گەشتوگوزار لە هەردوو هاوینەهەواری گەلی عەلی بەگ و بێخاڵ كرا، پڕۆژەكە بریتییە لە سەرلەنوێ دیزاینكردنەوەی ئەو ناوچە گەشتیارییە كە تێچووەكەی 110 ملیۆن یۆرۆیە.

 

زانیاریی زیاتر: پلانی دەستەی وەبەرهێنان ئەوەیە كە لە سەرجەم شوێنە گەشتیارییە ناوازە  و سەرنجڕاكێشەكانی هەرێمی كوردستان پڕۆژەی گەورەی گەشتوگوزاری هاوشێوەی ئەوەی بێخاڵ و گەلی عەلی بەگ جێبەجێ بكەن.