مزگەوتی کوفە بە یەکێک لە کۆنترین مزگەوتەکانی جیهانی ئیسلامی دادەنرێت

 

ئاڤا نیوز

مزگەوتی کوفە بە یەکێک لە مزگەوتە شوێنەواریی و مێژووییەکانی عێراق دادەنرێت و یەکێکە لە کۆنترین مزگەوتەکانی جیهانی ئیسلامی.

وێنە گەورەکە: بەپێی سەرچاوە مێژووییەکان ئەم مزگەوتە لە ساڵی 639 زاینی لەلایەن سەعد بن ئەبی وەقاسەوە دروستکراوە و بە یەکەم بینای شاری کوفە دادەنرێت ئەو شارەی دواتر بووەتە گەورەترین پایتەختی ئیسلامی و شوێنی خەلافەتی ئیمام عەلی کوڕی ئەبو تاڵیب جێنشینی چوارەمی ئیسلام .

زانیاریی زیاتر: مزگەوتی کوفە خاوەن پێگەیەکی ئایینی گرنگە لای موسڵمانانی شیعە مەزهەب، چونکە ئیمامی عەلی لە ساڵی 36ـی کۆچیدا مەککەی بەجێهێشتووە و لە کوفە بەیعەتی پێدراوە و کردوویەتییە پایتەختی خەلافەتی ئیسلامی لەپاڵ ئەم مزگەوتەش لە کوفە ژیاوە و لە میحرابیا شەهیدکراوە .

 

 

لێدوانی فەرمی: شێخ وسام ناسری، ڕایگەیاند، ئەم مزگەوت و شوێنە پێرۆزی زیاتری وەرگرت کاتێک کە پێشەوا عەلی تەشریفی هێنا و کوفەی کردە پایتەخت شوێنی حوکمڕانی ، ئەمەش کارێکی دروست و بەجێ بوو ، چونکە ئەو وەک جێنشینی پەیامبەری خودا و ئەمیری موسڵمانان هەستا بەکۆکردنەوەی کاری سیاسیی و ئاینی پێکەوە .

ئەوەی پێویستە بیزانیت: پیرۆزی مزگەوت و کوفە لە مێژوودا ڕەگی داکوتیوە هەروەها بەهۆی کۆمەڵێ کەرامات کە (ئالول بەیت) گێڕاویانەتەوە ، مزگەوتی کوفە بە چوارم مزگەوت دادەنرێت لە ڕووی پیرۆزییەوە پاش مزگەوتەکانی مەدینە و حەرام و ئەقسا.

هەروەها پیرۆزی ئەم مزگەوتە لەوەدایە کە هەردوو پێشەوا سادق و باقر بەردەوامبوون لەسەر هەمان ڕێرەو وەک شارو پایتەخت هەڵسوکەوتیان لەگەڵ کردووە و کردیانە زانکۆیەک بۆ بڵاوکردنەوەی زانستەکانی (ئالول بەیت).

ئەمەش بزانە: قەزای کوفە لە ڕووی کارگێڕییەوە سەر بە پارێزگای نەجەفە و 10 کیلۆمەتر لە باکووری ڕۆژهەڵاتی شاری نەجەفەوە دوورە،  ژمارەی دانیشتووانەکەشی بە نزیکەی 300 هەزار کەس مەزەندە دەکرێت.