حەماس بڕیارێکی نەتانیاهۆ بە کودەتا دژ بە ئاگربەست ناودەبات

ئاڤا نیوز

بزووتنەوەی حەماس لە بڵاوکراوەیەکی فەرمیدا سەرۆکوەزیرانی ئیسرائیل بە کودەتا دژ بە ئاگربەستی نێوان حەماس و ئیسرائیل تۆمەتبار دەکات. 

وێنە گەورەکە: دوای 43 ڕۆژ لە ڕاگەیاندنی ئاگربەست لە غەززە و ڕێککەوتنی نێوان ئیسرائیل و حەماس، بنیامین نەتانیاهۆ، سەرۆکوەزیرانی ئیسرائیل سوپای وڵاتەکەی ڕادەسپێرێت بۆ داخستنی هەموو ڕێگاکانی غەززە و ڕێگە بە چوونەژوورەوەی هیچ هاوکارییەکی مرۆیی بۆ شارەکە نادرێت، بزووتنەوەی حەماسیش ئەم هەنگاوە بە کودەتا دژ بە ڕێککەوتنامەی ڕاگرتنی جەنگ ناوزەند دەکات.

بڵاوکراوەی فەرمی: بزووتنەوەی حەماس لە بڵاوکراوەیەکی فەرمیدا ڕایگەیاند، بڕیاری داخستنی ڕێگاکان و ڕێگریکردن لە گەشتنی هاوکارییە مرۆییەکان بۆ غەززە، ئەنجامدانی کودەتایە بەسەر ڕێککەوتنامەی ڕاگرتنی جەنگ و کارێکی دژ بە بەها مرۆڤایەتییەکانە، نەتانیاهۆ دەیەوێت بەم جۆرە بڕیارانە شکستی سوپاکەی بشارێتەوە.

 

لەلایەکی دیکەوە: لە شارە جیاوازەکانی ئیسرائیل بە هەزاران هاووڵاتی هاتوونەتە سەر شەقامەکان و ناڕەزایەتی دژ بە بڕیارەکەی نەتانیاهۆ دەردەبڕن و تۆمەتباری دەکەن بە درووستکردنی مەترسی بۆ سەر ڕێککەوتنامە و ئاڵووگۆڕی دیلەکانی نێوان ئیسرائیل و حەماس.