لیستی مووچە بۆ بەغدا نێردرا

ئاڤا نیوز

 

وەزارەتی دارایی هەرێمی کوردستان لیستی مووچەی مانگی شوباتی مووچەخۆرانی هەرێمی کوردستانی بۆ بەغدا نارد.

 

ڕاگەیێنراوی فەرمی: بە واژۆی ئاوات شێخ جەناب، وەزیری دارایی و ئابووری هەرێمی کوردستان، لیستی مووچەی مووچەخۆرانی هەرێمی کوردستان ڕەوانەی وەزارەتی دارایی عێراق کرا، لیستی مووچە لە 44 خانە پێکدێت و بە زمانی عەرەبی پڕكراوته‌وه.

 

بۆچی گرنگە: دوای ڕەوانەکردنی لیستی مووچە بۆ بەغدا، وەزارەتی دارایی عێراق ڕاستەوخۆ دەست بە ڕێکارەکانی ناردنی مووچەی مووچەخۆرانی هەرێمی کوردستان دەکات. 

 

لێدوانی فه‌رمی: "ناردنی پارەکەی بەغدا بۆ هەرێمی کوردستان، بەگوێرەی ژمارەی ئەو مووچەخۆرانە دەبێت کە لە لیستەکاندا تۆمارکراون."
د.جەمال کۆچەر، ئەندامی لیژنەی دارایی لە ئەنجوومەنی نوێنەرانی عێراق وای بە ئاڤا نیوز گوت.

 

باكگراوند: ڕۆژی 21-02-2024 دادگەی فیدراڵیی عێراق بڕیاریدا، هەردوو حکومەتی فیدراڵی و هەرێمی کوردستان پابەند بکات بە دابینکردنی مووچەی مووچەخۆرانی هەرێمی کوردستان هاوشێوەی مووچەخۆرانی پارێزگاکانی عێراق.